Lirik lagu Joget Nadai Ngawa - Jennarino Jeraki

Sam paya buah sam paya
Sam paya tumbuh diulu
Enda nyangka aku enda nyangka
Nuan dara belaki dulu

Sam paya buah sam paya
Sam paya nyamai diempa
Enda nyangka aku enda nyangka
Janji nuan nyau nyadi ampa

Sampai ati nuan o.. sulu
Mungkir ke janji tua ti dulu
Madah diri deka ke aku
Enda nemu nuan bejanji palsu

Tang meh nadai kok enggau
Padi nyau nyadi sekau
Kayu ditunu nyau nyadi amau

Utai ke udah lalu
Nyadi ke ajar aku
Manah agi ku ngiga baru
Iya ke bajik ari nuan sulu

Sam paya buah sam paya
Sam paya maioh beduri
Enda nyangka aku enda nyangka
Nuan ngelua ke jako jai

Sam paya buah sam paya
Sam paya tumbuh dipaya
Enda ngawa sulu enda ngawa
Tang aku besabar aja

Sampai ati nuan o.. sulu
Bejako jai ngemalu aku
Madah aku tu nadai guna
Orang merinsa mesekin papa
http://www.liriklaguiban.com

Jako jai nuan nya
Awak ke nadai ngawa
Endang sigi adat
Kitai di dunya

Laban nuan diatu
Udah bulih urang kaya
Aku di tinggal Nama meh daya
Nyangka ukai selatan tua

Lirik Lagu Iban: Joget Nadai Ngawa - Jennarino Jeraki

---

>> Click Here for more Lirik Lagu Iban: Jennarino Jeraki << - www.liriklaguiban.com

---